CamboDHRRA និង AsiaDHRRA សូមស្វាគមន៍គណៈប្រតិភូរបស់ IFAD សម្រាប់ការត្រួតពិនិត្យគម្រោង SEEDS

ថ្ងៃទី ២៤-២៥ ខែមេសា ឆ្នាំ ២០២៥ សមាគម CamboDHRRA និង AsiaDHRRA បានអបអរសាទរការទទួលស្វាគមន៍គណៈប្រតិភូពីមូលនិធិអន្តរជាតិដើម្បីអភិវឌ្ឍវិស័យកសិកម្ម (IFAD) ក្នុងដំណើរទស្សនកិច្ចពិនិត្យមើលភាពរីកចម្រើននៃគម្រោង SEEDS (លើកកម្ពស់សេដ្ឋកិច្ចកសិករខ្នាតតូចតាមរយៈដំណោះស្រាយឌីជីថល)។
ដំណើរទស្សនកិច្ចនេះមានគោលបំណង៖
• ការពិនិត្យវឌ្ឍនភាពនៃការអនុវត្តគម្រោង SEEDS
• ឈ្វេងយល់ការបំពេញគ្នាទៅវិញទៅមកជាមួយគម្រោងផ្សេងៗ ដែលគាំទ្រដោយ IFAD
• ឈ្វេងយល់អំពីបញ្ហាប្រឈម និងសំណូមពរពីសហគមន៍គោលដៅ
កន្លែងចុះពិនិត្យ៖
• សហគមន៍កសិកម្មទឹកហូតមានជ័យក្តីសង្ឃឹម និងសហគមន៍កសិកម្មក្រាំងលាវសាមគ្គី ខេត្តកំពង់ឆ្នាំង
• សហគមន៍កសិកម្មកសិករសាមគ្គីអមលាំង និងសហគមន៍កសិកម្មស្រ្តីសាមគ្គីសង្កែស្រទប ខេត្តកំពង់ស្ពឺ
ជាលទ្ធផល គណៈប្រតិភូបានអបអរសាទរ និងកោតសរសើរចំពោះលទ្ធផលដែលសម្រេចបាន ពិសេស ការកើនឡើងនៃចំណេះដឹងកសិករទាក់ទងនឹងការប្រើប្រាស់ឧបករណ៍និងបច្ចេកវិទ្យាឌីជីថលដែលជំរុញដល់សកម្មភាពសេដ្ឋកិច្ចរបស់ខ្លួន ព្រមទាំងការបំពេញគ្នាបានយ៉ាងល្អក្នុងគម្រោងដែលគាំទ្រដោយ IFAD។
#SEEDS #CamboDHRRA #AsiaDHRRA #IFAD #AgricultureDevelopment #DigitalSolutions #SmallholderFarmers