News

តាមរយៈភាពជាដៃគូរជាមួយសមាគមបណ្តាញកសិករ និងធម្មជាតិ និងដោយមានការគាំទ្រថវិកាពីអង្គការជំនួយព្រះវិហារដាណឺម៉ាក (DCA) សមាគមខាំបូដ្រាបានផ្តល់សេវាកម្មបណ្តុះបណ្តាលស្តីពី ការបង្កើតផែនការអាជីវកម្ម ពីថ្ងៃទី១២​ដល់១៤ ខែតុលា ឆ្នាំ២០២០ ដល់តំណាងសហគមន៍កសិកម្មចំនួន៥ នៅខេត្តកំពង់ធំ ដែលកំពុងមានមុខរបរ និងគ្រោងបង្កើតមុខរបរថ្មីទាក់ទងនឹងការកែច្នៃផលិតផលចន្ទី។​ វគ្គបណ្តុះបណ្តាលនេះមានអ្នកចូលរួមសរុប ១៦នាក់(ស្រី្ត១០នាក់)។

ថ្ងៃពុធ ១៣កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៣០ ខែកញ្ញា​ ឆ្នាំ២០២០ ក្រោមកិច្ចសហការរវាង​ អង្គការ​អាស៊ាដ្រា និងអង្គការស្បៀង និងកសិកម្មនៃអង្គការសហប្រជាជាតិ (FAO) សមាគមខាំបូដ្រា និងសមាគមបណ្តាញកសិករនិងធម្មជាតិ​ សហការជាមួយ វេទិកា អង្គការមិនមែនរដ្ឋាភិបាលស្តីពីកម្ពុជា និងអង្គការភាពជាដៃគូដើម្បីចីរភាពកសិកម្មកម្ពុជា រៀបចំសិក្ខា ស្តីអំពីការកំណត់ពីសមត្ថភាពរបស់យុវជន​ក្នុង​​ការអនុត្តន៍ និងទទួលបានផលប្រយោជន៏ពីការវិនិយោគ កសិកម្ម ប្រកបដោយការទទូលខុសត្រូវនៅ​កម្ពុជា​ ក្នុងគោលបំណងដើម្បី៖ – ស្វែងយល់អំពីក្របខណ្ឌគោលនយោបាយថ្នាក់សកល និងថ្នាក់តំបន់​ ស្តីពីការវិនិយោគកសិកម្មប្រកប​ដោយ​ការទទួលខុសត្រូវ និង – កំណត់ពីសមត្ថភាព និងតំរូវការចាំបាច់សម្រាប់កសិករវ័យក្មេង កសិករខ្នាតតូច និងយុវសហគ្រិន ក្នុងការអនុវត្ត និងទទូលបានផលប្រយោជន៏ពីការវិនិយោគក្នុងវិស័យ. កសិកម្ម និងប្រព័ន្ធស្បៀងអាហារ។ សិក្ខាសាលារៀបចំឡើងក្រោមអធិបតីភាពរបស់ លោកបណ្ឌិត​ ជា សាំងដូណា ប្រធាននាយកដ្ឋានអភិវឌ្ឍន៍សហគមន៍កសិកម្ម ជាតំណាងឯកឧត្តមបណ្ឌិត ងិយ ឆាយ ប្រតិភូរាជរដ្ឋាភិបាល …

ថ្ងៃច័ន្ទ ១១កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែកញ្ញា ឆ្នាំ២០២០ សិក្ខាសាលា​ផ្សព្វផ្សាយទស្សវត្សត៍អង្គការសហកប្រជាជាតិនៃកសិកម្មជាលក្ខណៈគ្រួសារ ដែលរៀបចំឡើងដើម្បីប្រមូលចងក្រងឯកសារ​សំយោគមួយ ដែលពិពណ៌នាអំពីគំនិតផ្តួចផ្តើម ដែលមានស្រាប់ និងផែនការគ្រោងទុកនៃកសិកម្មលក្ខណៈគ្រួសារ និងកសិកម្មប្រកបដោយចីរភាព ដើម្បីផ្តល់ជាអនុសាសន៍ សម្រាប់សកម្មភាពយុទ្ធសាស្រ្ត ឬជំហ៊ានជាក់លាក់ក្នុងអនុវត្តសកម្មភាពរបស់UNDFF នៅក្នុងប្រទេសកម្ពុជានិងក្នុងតំបន់ តាមរយៈយន្តការ សហប្រតិបត្តិការល្អ និងយន្តការសម្របសម្រួលសម្រាប់អ្នកចូលរួមអនុវត្តសកម្មភាពរបស់UNDFF។ សិក្ខាសាលារៀបចំឡើងក្រោមអធិបតីភាពរបស់លោក ស្រ៊ុន សុខុម អគ្គនាយករង នៃអគ្គនាយកដ្ឋានកសិកម្ម ជាតំណាងឯកឧត្តមបណ្ឌិត ងិយ ឆាយ ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានកសិកម្ម និងក៏បានអញ្ជើញចូលរួមចែករំលែកអំពីផែនការ​មេវិស័យកសិកម្មឆ្នាំ២០៣០ ដោយលោកបណ្ឌិត ម៉ាក់ សឿន​ អគ្គនាយករង នៃអគ្គនាយកដ្ឋានកសិកម្ម។​ សិក្ខាកាមដែលអញ្ជើញចូលរួមក្នុងសិក្ខាសាលានេះរួមមាន តំណាងអង្គការកសិករ អង្គការក្រៅរដ្ឋាភិបាល បណ្តាញយុវជន សាកលវិទ្យាល័យ និងអ្នកពាក់ព័ន្ធដទៃទៀត។