ការចែករំលែកបទពិសោធន៏ស្តីពី ការកសាងភាពធន់របស់យុវជនក្នុងការវិនិយោគកសិកម្មក្នុងបរិបទកូវីដ-១៩

យើងខ្ញុំមានសេចក្តីសោមនស្សរីករាយជម្រាបជូនលោក លោកស្រី នាងកញ្ញា​ និងប្រិយភាពទាំងអស់ថា ដើម្បីគាំទ្រ និងកសាងភាពធន់ដល់យុវជនក្នុងការវិនិយោគកសិកម្មប្រកបដោយការទទួលខុសត្រូវ​​​ ក្រោមកិច្ច សហការរវាង FAO​ និងអង្គការ​អាស៊ាដ្រា (AsiaDHRRA) សមាគមខាំបូដ្រានឹងរៀបចំ ការចែករំលែកបទពិសោធន៏តាមអនឡាញ (ZOOM) ស្តីអំពី​ការកសាងភាពធន់របស់យុវជនក្នុងការវិនិយោគកសិកម្មក្នុងបរិបទកូវីដ-១៩។

កម្មវិធីនេះរៀបចំឡើងនៅថ្ងៃទី២០ ខែមេសា ឆ្នាំ២០២១ ចាប់ផ្តើមពីម៉ោង៨៖៣០ នាទី ដល់ម៉ោង ១២ៈ០០ ថ្ងៃត្រង់ ក្នុងគោលបំណងដើម្បី៖

• ធ្វើការចែករំលែកនូវគំនិតផ្តួចផ្តើមដែលពាក់ព័ន្ធមួយចំនួន ​និងវឌ្ឍនភាពដែលបាននឹងកំពុងធ្វើ​​ ដើម្បីគាំទ្រ និងកសាងភាពធន់ដល់យុវជនក្នុងការវិនិយោគកសិកម្ម។
• ការចែករំលែកនូវ គំនិតផ្តួចផ្តើម​ អនុសាសន៍នានាក្នុងការអភិវឌ្ឍវិធានការណ៍ ឬកម្មវិធីក្រោយជំងឺរាតត្បាត​កូវីដ១៩។

វាគ្មិនកិត្តយសដែលអញ្ជើញចូលរួមក្នុងកម្មវិធីនេះ មានតំណាងបណ្តាញយុវកសិករ ក្រុមហ៊ុនឯកជន និងអង្គការសង្គមស៊ីវិល ដូចបានភ្ជាប់។

សូមអញ្ជើញចូលរួមជាមួយយើងខ្ញុំ។សូមអរគុណ!