ជាមួយនឹងការចូលរួមក្នុងការអភិវឌ្ឍសមត្ថភាពកសិករវ័យក្មេង ខាំបូដ្រា(CamboDHRRA)និងវេទិកានៃអង្គការមិនមែនរដ្ឋាភិបាលស្តីពីកម្ពុជា (NGO Forum on Cambodia) បានរៀបចំវគ្គបណ្តុះបណ្តាលរយៈពេល ២ ថ្ងៃស្តីពីការធ្វើទីផ្សារកសិផលសរីរាង្គ ចាប់ពីថ្ងៃទី ១៩ ដល់ថ្ងៃទី ២០ ខែកក្កដាឆ្នាំ ២០២១ ។ គោលបំណងនៃការបណ្តុះបណ្តាលគឺ៖
– ដើម្បីផ្តល់ចំណេះដឹងដល់កសិករវ័យក្មេង ស្រ្តី និងបុគ្គលិកបច្ចេកទេសនៃអង្គការមិនមែនរដ្ឋាភិបាល និងអង្គការកសិករ ក្នុងការធ្វើទីផ្សារផលិតផលសរីរាង្គ។
– ដើម្បីពង្រឹងសមត្ថភាពកសិករវ័យក្មេង ស្រ្តី និងបុគ្គលិកបច្ចេកទេសនៃអង្គការមិនមែនរដ្ឋាភិបាល និងអង្គការកសិករ លើស្តង់ដារគុណភាពនៃផលិតផលកសិកម្មដើម្បីឆ្លើយតបនឹងតម្រូវការទីផ្សារដែលអាចផ្តល់ប្រាក់ចំណេញបាន។
វគ្គបណ្តុះបណ្តាលនេះរៀបចំឡើង តាមរយៈកិច្ចប្រជុំពីចម្ងាយ ដែលមានអ្នកចូលរួមសរុប៦៧នាក់ ដែលមកពីតំណាងយុវកសិករ យុវសហគ្រិន អង្គការសង្គមស៊ីវិល អង្គការកសិករថ្នាក់ជាតិ និងសហគមន៍កសិកម្ម។
ខ្លឹមសារនៃវគ្គបណ្តុះបណ្តាលសំខាន់ៗផ្តោតលើ គោលការណ៍ទីផ្សារ គុណភាពផលិតផល ការកំណត់តម្លៃ ការកសាងទំនាក់ទំនងយូរអង្វែង ការធ្វើទីផ្សារផ្ទាល់ និងការសហការណ៍ធ្វើទីផ្សារ។
![](https://z-p3-scontent.fpnh5-3.fna.fbcdn.net/v/t39.30808-6/217600416_337119934739301_9112272761368646901_n.jpg?_nc_cat=106&ccb=1-3&_nc_sid=730e14&_nc_eui2=AeH2zJ6B9rqfFQoYGMoUnPZhpMbjZShVuQGkxuNlKFW5AT5KEhpg_gILsL4aJnV0QKyaUCkGSeSB6o2bi0bnRoY2&_nc_ohc=JBvAuRfUgegAX_RnFzB&_nc_ht=z-p3-scontent.fpnh5-3.fna&oh=e20749e95cd85e22517825e759a39838&oe=6108360D)
![](https://z-p3-scontent.fpnh5-2.fna.fbcdn.net/v/t39.30808-6/217673900_337119924739302_2669581506769700444_n.jpg?_nc_cat=102&ccb=1-3&_nc_sid=730e14&_nc_eui2=AeHDhlLYtq4twHw4qERzuj8zb8QOkpkqwqNvxA6SmSrCo5I4O9mlCYFVxYUbFQ6MgWM7ggKpZXvWBT1NDzW-QRRw&_nc_ohc=YC33GLQiiT8AX9ML2Dz&_nc_ht=z-p3-scontent.fpnh5-2.fna&oh=1e4f63a12c065c699968b49ca990b634&oe=61095303)