វិធីសាស្រ្តកែច្នៃផលិតផលអាហារជាលក្ខណៈគ្រួសារ

វិធីសាស្រ្តកែច្នៃផលិតផលអាហារជាលក្ខណៈគ្រួសារ

1. តើអ្វីទៅជាការកែច្នៃអាហារ?

ការកែច្នៃអាហារគឺជាវិធីសាស្រ្ត និងបច្ចេកទេសដែលចងក្រងឡើង ដើម្បី កែច្នៃធាតុដើម អោយទៅជាផលិតផលអាហារសម្រេច ឬអាហារពាក់ កណ្តាលសម្រេច។ ការកែច្នៃអាហារគឺជាវិធីសាស្រ្តទាំងឡាយដែលត្រូវបានប្រើប្រាស់ដើម្បីកែច្នៃអាហារដោយបន្ថែមគ្រឿងផ្សំចូលទៅជាមួយវត្ថុធាតុដើម ដើម្បីផ្លាស់ប្តូរទម្រង់ និងលក្ខណៈរបស់អាហារ។ ផលិតផលអាហារសម្រេច ឬពាក់កណ្តាលសម្រេចមាន គុណ ភាពល្អ គឺអាស្រ័យទៅលើវត្ថុធាតុដើម គ្រឿងផ្សំ វិធីសាស្រ្ត បច្ចេកទេស និងការអនុវត្តន៍អនាម័យពេលប្រតិបត្តការ កែច្នៃ។
អាហារត្រូវបានកែច្នៃក្រោមលក្ខខណ្ឌ និងហេតុផលជាច្រើនយ៉ាង។ តាំងពីយូរយារណាស់មកហើយ ស្រូវ គ្រាប់សណ្តែក គ្រាប់ពោត និងពពួកគ្រាប់ធញ្ញជាតិផ្សេងទៀត ត្រូវបានសម្ងួតបន្ទាប់ពីប្រមូលផលដើម្បីរក្សាទុកអោយបានយូរ។ ហេតុផលដ៏ចម្បងបំផុតនៃការកែច្នៃអាហារ គឺដើម្បីជួយសម្រួលដល់ប្រព័ន្ធរំលាយអាហារ និងបង្កើនរសជាតិអាហារ។ ជាឧទាហរណ៍នៅប្រទេសកម្ពុជា មានជ្រក់ដែលកែច្នៃពីបន្លែស្រស់ផ្លែឈើ។

2. តើអ្នកដឹងទេថា…?

បាក់តេរីចូលចិត្តអាហារដែលមានប្រូតេអ៊ីនខ្ពស់ដូចជា សាច់ឆៅ ត្រី សាច់មាន់ និងផលិតផលធ្វើពីទឹកដោះគោ ដែលប្រភេទ អាហារទាំងអស់នេះត្រូវបានចាត់ចូលជាក្រុមអាហារដែលមានហានិភ័យខ្ពស់។
បាក់តេរីអាចលូតលាស់នៅសីតុណ្ហភាពចន្លោះពី ៥-៦០អង្សាសេ ដែលត្រូវបានគេហៅថា ជាចន្លោះសីតុណ្ហភាព គ្រោះថ្នាក់។
ជាទូទៅមនុស្សម្នារធ្វើការកែច្នៃ ឬចំអិនម្ហូបអាហារជារៀងរាល់ថ្ងៃដើម្បីផ្គត់ផ្គង់គ្រួសារ។ យ៉ាងណាមិញ ការកែច្នៃអាហារគឺ មានអត្ថន័យទូលំទៅលាយជាងការគ្រាន់តែរៀបចំ និងចម្អិនគឺពាក់ព័ន្ធនិងការអនុវត្ តគោលការណ៍តាមបែបវិទ្យាសាស្រ្ត និងបច្ចេកវិទ្យា ដើម្បីការពារអាហារដោយការកាត់បន្ថយ ឬបញ្ឈប់ ដំណើរការរលួយខូចរបស់អាហារទៅតាមធម្មជាតិ។ ម៉្យាងទៀតវាក៍អនុញ្ញាតអោយមានការផ្លាស់ប្តូរពីរបៀបរបបគុណភាពរបស់អាហារដែលត្រូវបានកែច្នៃ ដែលអាចព្យាករណ៍ ទុកជាមុន និងគ្រប់គ្រងគ្រោះថ្នាក់អាហារបាន។

3. សារប្រយោជន៍នៃការកែច្នៃអាហារ

• ជួយបង្ការ កាត់បន្ថយគ្រោះថ្នាក់របស់អាហារពីពពួកមីក្រូសារពាង្គកាយ សត្វល្អិតចង្រៃផ្សេងៗ។
• បង្អាក់ការលូតលាស់ ឬបង្កើតជាតិពុលរបស់ពពួកមីក្រូសារពាង្គកាយ ឬជួយកាត់បន្ថយអោយស្ថិតក្នុងកម្រិតមួយ ដែលអាចទទួលយកបាន។
• បញ្ឍប់ ឬជួយពន្យាការខូចអាហារដោយសារប្រតិកម្មគីមី និងជីវ
• ជួយរក្សា ឬបង្កើនអាហារូបត្ថម្ភ
• ជួយពន្យាអាយុកាលអាហារ
• ធ្វើអោយអាហារមានឪជារសឆ្ងាញ់ និងទាក់ទាញ
• បង្កើតអាហារសម្រាប់ក្រុមមនុស្ស ឬប្រភេទក្រុមមនុស្ស

 

 

 

 

 

 

 

 

សម្រាប់ព័ត៌មានបន្ថែម ឬមានបំណងចង់បានសៀវភៅ វិធីសាស្រ្តកែច្នៃផលិតផលអាហារជាលក្ខណៈគ្រួសារ
សូមទំនាក់ទំនងមកតាមរយៈ អ៊ីម៉ែល៖ info@cambodhrra.org